阿仙奴好消息　迪格蘭賴斯周末可復出

阿仙奴中場主將迪格蘭賴斯上仗英超對熱刺，不幸受傷退下火線，根據英國《天空體育》報道，呢位24歲英格蘭國腳傷勢並冇大礙，可於周六(30日)晚英超復出作客對般尼茅夫。

迪格蘭賴斯當時因為感到背部不適，踢完上半場就被換走，賽後已經接受詳細檢查，發現傷勢並唔嚴重，但為安全起見，領隊阿迪達唔會派佢出戰周四(28日)凌晨英聯盃對賓福特，留待周六(30日)晚英超先至上陣對般尼茅夫。

此外，因為肌肉問題缺陣上仗英超對熱刺嘅翼鋒李安度杜沙特，亦已經傷愈，同樣有望復出對般尼茅夫。