三笘薰《扭波真經》上線　每冊唔使80蚊

三笘薰出書教大家扭波，同埋講述外流歐洲同世盃經歷，近日喺日本亞馬遜上架發售，實體書1,650日元(約86港元)，電子書1,520日元(約79港元)。

呢本書於6月22日發行，第一版印5萬本，主要係講三笘薰足球生涯同期間佢嘅心路歷程，其中當然唔少得卡塔爾世盃嘅「1厘米救波」，仲有上季登陸英超就打破日本球員單季英超入波紀錄。

不過球迷最感興趣，相信係佢講解120種扭波方法，仲有訓練方式同食譜，呢啲先係《扭波真經》精華。