【亞運撐港隊】入戲院睇男足4強　球迷：已經創造咗奇迹！

香港亞運男子足球代表隊周三（4日）出戰4強，硬撼日本，足總同日於銅鑼灣英皇戲院，舉行睇波活動，集合球迷撐港隊，有球迷形容港隊在晉級過程中，表現出色，已經創造了一個又一個奇迹。

港隊歷史性殺入亞運4強，引來全城鼓舞，足總日前宣布舉行睇波活動，入場人士可獲1份爆谷，飲品半價，所有門票亦隨即售罄。是日活動開始前，已經有不少球迷帶同區旗等打氣工具入場，並高呼「We Are Hong Kong」口號，等待賽事來臨。開賽後，現場氣氛更見高漲，每當港隊有精彩進攻或防守鏡頭時，現場觀眾都會鼓掌以示鼓勵。

球迷張先生就坦言，從未預計港隊能晉級至4強，使他十分激動：「老實講，邊會預計到香港可以入到4強，特別對伊朗嗰場，但佢哋成功創造奇跡，全隊都好有火去踢。」

他又大讚謝家榮及孫銘謙表現出色，使他十分興奮：「尤其『孫銘』踢閘位，無論守同攻都交到貨，分分鐘嚟緊『大港腳』都可以長期搵佢踢左閘。」