格流又換帥　林柏特成候選人

前兩年格拉斯哥流浪搵過謝拉特執教，嚟緊佢哋可能會搵林柏特做主帥。格流上仗聯賽輸畀鴨巴甸，聯賽7戰3負，賽後主帥比亞里被辭退，暫由史提芬戴維斯任看守領隊，正物色新主帥，林柏特係人選之一。

格流曾於2018至2021年由謝拉特執教，幫球隊贏過蘇超冠軍，之後謝拉特被阿士東維拉挖角，格流近期又經歷換帥，但謝拉特已經去咗沙特搵真銀，但另一前英格蘭中場林柏特仲喺度，依家成為該隊候選人。

林柏特同謝拉特幾乎同時間做教練，教過打比郡、車路士同愛華頓，上季接替樸達出任車路士看守領隊到季尾，佢早前表示，隨時準備好再執教鞭，如果有合適機會會再做領隊。