【巴甲】明尼路搶分精打細算
2023年10月19日 20:00
東網電視
更多新聞短片
彭美拉斯主場對明尼路。
聽朝巴甲焦點戰，彭美拉斯主場硬撼明尼路。彭美拉斯明顯跌Watt，加上聯賽爭冠機會渺茫，鬥心成疑；明尼路為爭下屆自由盃席位必搏，而且客場例施「守」術，中位數2.5球入球細穩開。（周五早上6時開賽）
前列分子彭美拉斯戰績下滑，各項賽事近8仗贏得1場咁大把，主要原因係早前專注爭自由盃，明顯喺聯賽放軟手腳。可惜佢哋喺自由盃4強對小保加，兩回合打和1比1，最終互射12碼落敗慘遭淘汰，嚴重打擊士氣；因為早前Hea踢聯賽，彭美拉斯依家畀榜首保地花高甩開成條街，爭冠機會不大，球員戰意成疑。
相反，明尼路鬥心更強，未計周中賽果，雖然佢哋只係排第9位，但只落後「4哥」彭美拉斯4分，仲有希望爭前4直取下屆自由盃分組賽席位。查實明尼路近6仗聯賽錄4勝1和僅1敗，走勢唔錯，佢哋強項係防守，今季踢咗26輪聯賽只失21粒，僅次於保地花高，係巴甲失波第二少球隊，單計近6仗聯賽作客，全開2球或以下，明顯客場穩陣至上。睇埋兩軍近5次碰頭，合共只產生4個入波，全開2球或以下，今仗唔慌多波入。
更多賠率：