「耶穌仔」着火勒唔住 阿仙奴發維做大事
2023年10月24日 15:05
東網電視
更多新聞短片
歐聯B組賽事。
歐聯分組賽B組大戰，西維爾主場迎擊阿仙奴，兩支出線熱門上輪齊齊失分，為爭出線今場必全力爭勝。西維爾今季戰績低迷，防守差係主要原因，不過喺歐洲賽嘅反擊戰術已爐火純青，面對主攻嘅阿仙奴勢演駁火戰，中位數2.5球嘅入球大開出機會極高。（Now 644周三凌晨3時直播）
西維爾開季成績差勁，早前將教練文迪列巴炒魷，改由迪亞高阿朗素接任，呢位烏拉圭主帥以快速、直接進攻踢法見稱，以安尼斯利為首嘅高速鋒線將大派用場。不過西維爾防守不穩，沙治奧拉莫斯及捷西斯拿華斯等老將活力大不如前，前兩輪分組賽都喺領先下被逼和失分。被稱為「歐霸之王」嘅西維爾，近年踢歐洲賽有大量同英超球隊交鋒經驗，而且多數都踢得激烈，近5次歐聯面對英超球隊，有4場總入球開3球或以上。
另邊廂，「兵工廠」阿仙奴上輪作客意外1比2不敵朗斯，為免陷入出局危機今仗不容再失，巴西射手「耶穌仔」加比爾捷西斯連續兩輪入波狀態大勇，「兵工廠」近4場歐洲賽亦有3場總入球開3球或以上，2.5球嘅入球大值得再追。
更多賠率：