比寧咸絕殺巴塞　皇馬贏國家打吡

周六晚西甲「國家打吡」，巴塞隆拿主場對皇家馬德里，巴塞憑根度簡開賽6分鐘開紀錄，皇馬下半場由祖迪比寧咸「世界波」扳平，再喺補時絕殺，結果皇馬2比1反巴塞，勝出國家打吡。

巴塞射手羅拔利雲度夫斯基傷愈暫居後備，祖奧菲歷斯則傷勢無礙正選登場，根度簡、加維及小將弗明盧比斯中場領軍，皇馬亦精銳盡出，祖迪比寧咸拍住雙箭頭雲尼斯奧斯祖利亞及洛迪高高斯攻堅。

巴塞開賽6分鐘憑快攻開紀錄，根度簡同費倫托利斯做one two，曹亞文尼從中破壞，根度簡殺入禁區遭遇阿拉巴攔截，但阿拉巴解圍失誤，根度簡控順一抽射成1比0，巴塞領先。呢個入波係根度簡「國家打吡」首個入球，亦係巴塞24年來打吡最快入球，亦係巴塞喺打吡戰第299球。

下半場皇馬積極反撲，靠祖迪比寧咸入波，呢位英格蘭超新星68分鐘30碼狂抽死角「世界波」，先為球隊扳平，踢到補時階段，祖迪比寧咸接應莫迪歷傳送近門建功，為皇馬射成2比1絕殺巴塞。