港超聯　陳浩然重出江湖任深水埗主教練

港超聯球隊周日（29日）在「中銀人壽香港超級聯賽」，作客1比5不敵傑志，今場暫代領軍的深水埗總監高俊基透露，原本鄧冠研等教練團成員已離職，並將由陳浩然接手擔任主教練，詳情之後再作公布

連同今仗在內，深水埗開季7場聯賽全敗，「高Sir」賽後受訪時表示，鄧冠研等一眾教練團成員上周已離職，並透露綽號「飛碟陳」的陳浩然將於下月(11月)接任主教練，盼望是次變動能帶來新氣象：「可能舊嘅教練團唔想面對傑志同盃賽嘅壓力，而『陳Sir』(即陳浩然)以前都教過區隊，成績相當好，只係上一手嘅工作要時間交接，所以佢會喺11月先嚟，而新任教練團已經做緊嘢，我哋唔會諗住放棄！」

「高Sir」亦向球員致謝，希望球隊往後繼續進步：「真係要同球員講聲多謝，雖然球隊面對咁大變動，但上半場都同對手踢得好近，話畀球迷知，就算對住強隊都有得踢吓，希望佢哋Keep住呢個表現，不斷進步。」