【有片】C朗轟世界波　30歲後第400球！

C朗拿度喺沙特入球停不了！艾納斯周日(5日)凌晨主場2比0擊敗艾卡赫利，聯賽3連勝力逼榜首嘅希拉爾，葡萄牙球星C朗拿度1射1傳成為最大功臣，佢今仗轟入世界波，更加係佢自30歲後第400個入球，寶刀不老！

艾納斯今季狀態大勇，沙迪奧文尼9分鐘單刀射入被判詐胡，不過C朗喺25分鐘發威，佢禁區頂控定後右腳轟入世界波，58分鐘C朗再助攻拿樸迪門前射入，帶領艾納斯輕鬆贏2比0，各項賽事連續16場不敗，目標直指冠軍寶座。

C朗世界波影片：https://twitter.com/i/status/1720870152785326175　

38歲嘅C朗今季聯賽已入12球，拋離阿歷山大米祖域(9球)排射手榜第1位，呢球亦係佢踏入30歲後第400個入球、38歲之後第43個入球，入球率完全唔受年紀影響。艾納斯周三(8日)凌晨會喺亞冠盃作客艾杜哈尼，C朗有機會繼續數胡。