曼聯官網專訪奧拿拿：我係現代型門將

曼聯自從棄用迪基亞簽入門將奧拿拿後，成績極度不穩，失球數字暴增，受到各方批評同諷刺，奧拿拿更被形容為「計時炸彈」，直至近日奧拿拿表現剛回穩，曼聯官方立即播出佢嘅專訪，呢位喀麥隆門將竟形容自己係「現代型門將」，仲話「唔怕犯錯」添！

奧拿拿表示：「現代足球有好多轉變，喺過去20年，門將位置都變咗好多，守門員就好似踢多一個，依家好多球隊都咁樣用守門員。」

就算之前多次出事，奧拿拿都冇有怕：「我認為自己係現代型門將，我唔怕犯錯，唔怕冒險，我踢波方式正係我加盟曼聯嘅原因，呢度係世界最佳球會之一。我唔會放棄，就算再犯錯，都會繼續前進，因為犯錯係生活一部分。」

專問中佢又提到曼聯名宿雲達沙，佢之前喺阿積士同雲達沙共事一段時間，依家雲達沙患上腦出血，佢為對方送上祝福。