曼聯又重建 卡斯米路華拉尼1月齊去沙特
2023年11月09日 22:15
東網電視
更多新聞短片
![](/hk/bkn/cnt/sport/20231109/photo/bkn-20231109221515177-1109_00882_001_01p.jpg?20231109221515)
卡斯米路(左)同華拉尼將一齊離開曼聯。(Getty Images)
曼聯近年先後從皇馬簽入華拉尼同卡斯米路,初時都有好表現,但慢慢發覺兩人狀態飄忽,而且多傷病問題,嚴重影響球隊表現同成績,英國傳媒報道,兩人明年1月都可能離隊轉赴沙特,曼聯又要繼續重建。
先講卡斯米路,《泰晤士報》報道指,由於該巴西國腳今季水準大跌,表現判若兩人,曼聯有意將佢賣去沙特,適逢艾納斯有意吸納卡斯米路,雙方如果交涉,相信可以迅速達成一致,預計轉會費高達4,500萬鎊(約4.3億港元)。
另邊廂,華拉尼因傷患問題經常缺陣,加上球隊成績差,華拉尼本人有意轉赴沙特發展,《曼徹斯特晚報》報道,有沙特球隊準備在冬季轉會窗向曼聯報價華拉尼,並向球員開出高價年薪,消息指曼聯如果收到沙特報價,將會放人。
如果兩人被出售,正好與近日入股曼聯嘅拉特克利夫早前講法接近,該富商質疑卡斯米路等老將加盟曼聯屬於「問題收購」,對球隊幫助不大,兩人離隊將有助解決問題,球隊可收回資金再度重建。