創造歷史！普斯迪高路奪首3個月英超最佳領隊

英超官方公布10月最佳領隊獎項，結果再次由熱刺主帥普斯迪高路奪得，呢位58歲澳洲名帥成為史上首位第一季執教英超球隊，就包辦開季首3個月最佳領隊嘅主帥。

普斯迪高路10月份率領熱剌出戰3場英超全勝，當時排榜首，直至11月不敵車路士，先至被打破今季英超不敗之身，以及被曼城搶走榜首之位，單計10月英超成績，普斯迪高路獲得最佳領隊，絕對實至名歸。

至於英超史上最長連續月份獲得最佳領隊嘅主帥係哥迪奧拿，佢曾於2017/18年球季，連續4個月獲得呢個殊榮，普斯迪高路能否追平哥帥紀錄，大家拭目以待。