阿迪達宣布投降　想賣夏維斯去皇馬

西班牙傳媒報道，阿仙奴主帥阿迪達對夏維斯忍耐已到極限，決定放棄，嚟緊冬季轉會窗想將呢位德國國腳賣畀皇馬，最理想係能夠收回部分轉會費，減少損失。

阿仙奴今夏花費7,500萬歐元(約6.3億港元)由車路士簽入夏維斯，阿迪達對佢好大期望，可惜呢位前鋒至今只交出1入球1助攻，唯一入波仲要係12碼。

西班牙《elnacional》報道，阿仙奴簽入夏維斯之前，皇馬已經留意夏維斯一段頗長時間，阿仙奴依家打算甩手，就想將夏維斯賣畀皇馬，開出蝕本價5,000萬歐元(約4.18億港元)，希望皇馬接貨。