瑞士近期旺入球騷 以色列求出線大無畏
2023年11月15日 20:01
東網電視
更多新聞短片
歐國盃外圍賽，以色列對瑞士。
歐國外戰火重燃，I組賽事「掛名」主場嘅以色列鬥瑞士。由於戰亂關係，以色列今仗被迫移師匈牙利做主場，佢哋想出線今場非勝不可，面對火力十足嘅瑞士，好大機會上演入球騷，中位數3.5球入球大值博。（周四凌晨3時45分開賽）
先講講呢組形勢，羅馬尼亞以16分排榜首，瑞士手握15分緊隨其後，以色列則以11分排第3，不過後兩者同樣少踢一場，仲有出線機會。今晚兩軍正面交鋒，若然以色列輸波，極大機會無緣直接出線。以色列3日前以0比1不敵科索沃，左閘利維禾食紅牌要停賽，今晚與其坐以待斃，倒不如放手進攻望有轉機，由艾蘭沙維領銜嘅鋒線有一定威脅，一於同對手駁火。
瑞士今屆踢法以攻為守，上輪主場同白俄羅斯激和3比3，之前對羅馬尼亞同科索沃都打和2比2，近4仗有3次總入球開4球或以上。22歲前鋒安杜尼今屆歐國外射入6球，加上格列沙加同梳頓沙基利兩位老將，唔愁冇波入，3.5球大盤高唱入雲。
更多賠率：