世界盃外圍賽 國足搶W信心爆棚
2023年11月16日 12:00
東網電視
更多新聞短片
世界盃外圍賽，泰國主場對中國。
世盃外亞洲區第2圈分組賽今日開打，東網免費直播中國作客泰國！
國足主帥阿歷山大揚科維奇講到明，想爭出線一定要開個靚頭，尤其係對住同級勁敵泰國更不容有失，加上近年碰頭食住對手，不妨直取客勝。（on.cc東網周四晚8時30分直播）
收看直播，請按直播ICON，或按下面鏈結：
世盃外亞洲區第2圈分組賽又名36強賽，每組頭兩名可進身下一圈，而C組有南韓、中國、泰國及新加坡，「太極虎」實力超班應可穩佔出線一席位，另一個位相信係中國同泰國之爭，雙方於首輪立即碰頭，隨時成為出線關鍵。
雖然泰國有「泰國美斯」猜拿迪普桑格辛、鄧達等壓陣，但世界排名只排第112位，同第79位嘅中國有一定距離，之前3場熱身賽法定時間只得2和1負，包括慘吞格魯吉亞8蛋，最弊係有主力後衞米高遜及中場龐參因傷倦勤，陣容不整。
另邊廂，中國今次低調備戰，主帥阿歷山大揚科維奇自上任後，一直以出線2026年世盃決賽周為目標，賽前佢更揚言要今仗喺泰國身上拎走3分，先至諗下場點鬥南韓，爭勝決心十足。儘管揚科維奇棄用入籍兵艾克森，另一前鋒張玉寧亦啱啱先好番，相信會先任後備，但仍會以武磊、譚龍同韋世豪組成進攻三叉戟，預計泰國主場出戰會主動進攻，令國足有更多打反擊機會，何況兩軍近4次交手，國足取得3勝1負，擺明格食格，客勝好分頭捧得過。
更多賠率：