「後巴利時代」　威爾遜擔起紅龍大旗

威爾斯喺2016年拎到歐國盃季軍，係佢哋足球史上最大成就，加里夫巴利同艾朗藍斯嘅出現係輝煌背後最大原因，但隨住2大巨星逐步淡出，威爾斯將由哈利威爾遜擔大旗，成為挑戰歐國盃決賽周嘅關鍵人物。

加里夫巴利已經宣布退休，今夏轉會英冠卡迪夫城嘅32歲中場艾朗藍斯亦傷患纏身，今次國際賽期亦冇份入選，26歲嘅哈利威爾遜就有信心成為球隊新核心：「唔單止巴利退出，祖阿倫等球員都離開咗，我由原本嘅新人變成隊中資深球員。我唔係蠢材，當皇馬嘅巴利同阿仙奴嘅艾朗藍斯喺度，我嘅機會肯定唔多，但依家就輪到我承擔責任嘅時間。」

雖然依家只得26歲，但16歲就入選威爾遜嘅哈利威爾遜，已經有50頂國家隊喼帽，上月擊敗克羅地亞包辦2個入球，更加係威爾斯爭奪歐國盃入場券嘅關鍵，呢位富咸球星表示：「如果我哋踢出對克羅地亞嘅水準，一定可以實現球隊嘅目標。」