拜仁絕橋 同熱刺踢兩場友賽賺錢
2023年11月21日 23:10
東網電視
更多新聞短片
哈利卡尼在拜仁表現出色。(Getty Images)
哈利卡尼今夏由熱刺轉會拜仁慕尼黑，轉會費高達1.1億歐元(約9.38億港元)，佢加盟以來16場射入21球7助攻，證明冇入錯貨，不過由於轉會費太高，拜仁要諗辦法抵消開支，卒之畀佢哋諗到條絕橋，就係約戰熱刺踢兩場友賽。
《慕尼黑晚報》報道，拜仁希望將固定轉會費控制喺1億歐元之內，作為付款方式，以及交易一部分，拜仁同意與熱刺踢兩場友賽，所有收益歸熱刺所有，當做轉會費一部分。
報道指，兩場友賽日期同舉辦方式未定，但哈利卡尼當日走得太急，仲未同熱刺球迷正式告別，呢兩場友賽無疑係個好機會，拜仁目標係希望將固定轉會費支出減至9,500萬歐元。