利物浦帶頭施壓　促英足總「處決」曼城

利物浦今季成績反彈，將同曼城進行另一次冠軍爭逐戰，就喺兩大勁旅周末交鋒前，有傳媒踢爆「紅軍」正帶頭向英格蘭足總施壓，要求盡快審理今年初對曼城作出嘅115項財務違規指控。

著名網站《Football Insider》報道，隨住愛華頓因違反財政公平條例被扣10分，面對115項財務違規指控嘅曼城自然成為眾矢之的。報道指多間英超球會不滿足總一直拖延審訊，而利物浦就帶頭向足總施壓，要求喺24/25球季展開前作出判決。

曼城領隊哥迪奧拿之前亦曾表示，英超其餘19隊都想睇曼城被處決：「我慶幸我哋身處一個偉大國家，所有人未被定罪前都係冇罪，但曼城並冇呢個機會，我哋已經被所有人判有罪。我慶幸曼城仲有機會捍衛自己，我哋有好好嘅律師，不過我知道英超喺其他19隊支持下，一樣都會有好律師。」