阿仙奴決定買斷大衛拉耶　蘭斯達爾走得

「轉會專家」羅曼諾爆料，雖然阿仙奴門將大衛拉耶名義上仲屬於賓福特，但實際上雙方已簽定一份明年夏天生效嘅合約，來季將會正式轉會，今季被貶後備嘅蘭斯達爾可以搵定後路。

羅曼諾在個人社交平台發文：「據我了解，阿仙奴已決定2024年買斷大衛拉耶，一切已確定，並會激活其2,700萬鎊(約2.64億港元)買斷條款，拉耶已簽定一份明年生效嘅合約。」

「雖然阿迪達當初稱，大衛拉耶同蘭斯達爾會輪流上陣，但明顯大衛拉耶先係阿迪達首選，蘭斯達爾連歐聯都冇機會落場，根本唔存在所謂競爭。」

《The Athletic》報道，有多支英超及海外球隊有意借用蘭斯達爾，阿仙奴仍在考慮中，由於長坐冷板只會令球員身價下跌，外借蘭斯達爾將會係其中一個選項。