紐卡素冬季入貨　睇中PSG前鋒

紐卡素明年1月冬季轉會窗繼續增兵，消息指佢哋睇中歐聯同組對手巴黎聖日耳門嘅法國前鋒伊基迪基，PSG希望賣斷，標價3,500萬至4,000萬歐元(約2.98億港元至3.4億港元)。

年僅21歲嘅伊基迪基上季以先借後買方式由蘭斯轉投巴黎聖日耳門，作價3,500萬歐元(約2.98億港元)，上季上陣32場入4球，但今季安歷基執教後，伊基迪基僅上陣1分鐘。

今夏PSG已打算將伊基迪基出售，但只有法蘭克福同辛尼特報價，交易未能達成，而早在伊基迪基轉投PSG前，紐卡素曾進行斟介並有過接觸，今次只係舊事重提，PSG嘅立場係只要紐卡素到價，就會進行交易。