【多圖】足球女王IG有1600萬粉絲　多過孫興民

女子英超星味愈來愈濃，阿士東維拉女足前鋒莉雯(Alisha Lehmann)更加被譽為「足球女王」，容貌似足荷里活明星，呢位24歲瑞士女國腳嘅社交網Instagram(IG)擁有超過1,600萬「粉絲」，甚至多過英超熱刺射手孫興民(1,299萬)，名副其實巾幗不讓鬚眉。

莉雯2018年由瑞士戰轉女子英超，加盟韋斯咸女足，3年之後轉投阿士東維拉，呢位身穿7號球衣嘅射手唔止好波，而且外形非常出眾迷人，充分星味，因而有「足球女王」之稱，吸引大量網民關注。

莉雯曾經同維拉中場杜格拉斯雷斯拍拖，但兩人已經分手，唔少網民都指杜格拉斯雷斯走寶，莉雯經常喺IG大派「福利」，上載唔少性感相片，難怪一直人氣高企。