巴塞大想頭　4.6億買晒兩個「祖奧」

巴塞隆拿兩位葡萄牙國腳借將祖奧簡斯路同祖奧菲歷斯，都係主帥沙維正選球員，由於兩人借用期僅餘半年，巴塞希望今個冬窗買斷兩人合約，打算動用5,500萬歐元(約4.67億港元)收購，比原價大幅折讓。

《世界體育報》報道，祖奧菲歷斯估價為8,000萬歐元(約6.8億港元)，巴塞打算以4,000萬歐元(約3.4億港元)向馬體會收購，亦即照價五折，至於祖奧簡斯路身價為2,500萬歐元(約2.12億港)，巴塞希望以1,500萬歐元(約1.27億港元)向曼城收購，亦即照價六折。

對於巴塞有利嘅係，兩個「祖奧」都係同一個經理人文迪斯，並正努力令兩名球員長期為巴塞效力，所以唔係冇得傾。