火力全開！阿仙奴狼隊鬥攻大無畏
2023年12月02日 17:25
東網電視
更多新聞短片
英超阿仙奴主場迎戰狼隊。
近期火力全開嘅阿仙奴，今輪英超主場迎戰狼隊，為進一步鞏固榜首位置唔會留手。「兵工廠」一眾前鋒最近撻着，凌厲進攻想勒都勒唔住，適逢狼隊亦非死守型球隊，加利奧尼爾領導下擅長以攻代守，今場好大機會演入球騷，3.5球嘅大盤有計。（Now 621周六晚11時直播）
阿仙奴上輪聯賽作客賓福特贏得驚險，唔少人批評佢哋進攻唔及上季搶鏡，不過阿仙奴主場火力仍相當驚人，近6次聯賽主場獲4勝2和之餘，其中5場開4球或以上，周中歐聯更狂派朗斯6蛋，5個攻擊球員加比爾捷西斯、布卡約沙卡、加比爾馬天尼利、馬田奧迪加特同夏維斯各入1球，球隊遍地開花。
另邊廂，狼隊上輪聯賽末段被誤判12碼，最終2比3不敵富咸，輸得相當唔抵，事實上狼隊踢法大無畏，面對勁旅一樣會搶攻，季初就曾2比1贏過曼城，對利物浦、紐卡素同熱刺場場都有波入，南韓前鋒黃喜燦今季已入7球，將成阿仙奴後防心腹大患，今場狼隊會以攻代守，同阿仙奴盡情駁火，3.5球嘅入球大捧得過。
更多賠率：