一箭雙鵰！拉舒福特被插「馬迪爾二世」

曼聯上場聯賽0比1不敵紐卡素，拉舒福特同安東尼馬爾迪2位前鋒嘅表現受到炮轟，尤其防守上嘅懶散令球迷非常不滿，利物浦名宿加歷查對拉舒福特嘅演出尤其失望，批評呢位英格蘭國腳係「馬迪爾二世」，一箭雙鵰！

拉舒福特同安東尼馬迪爾喺對紐卡素一仗踢到隱形，只係踢60分鐘就齊齊被換走，領隊坦哈格賽後都話要「搵拉舒福特傾下」，希望幫呢位上季入30球嘅前鋒渡過難關。加歷查更表示：「拉舒福特嘅表現不能接受，佢係安東尼馬迪爾二世，呢個已經係最差嘅形容。」

加歷查解釋：「拉舒福特作為曼徹斯特土產球員，就好似我同謝拉特以前喺利物浦一樣，當球隊唔順嘅時候要負責扶起隊友，但佢依家連為自己心口上面嘅徽章跑多步都唔願意，我只可以話佢愈嚟愈似安東尼馬迪爾，一個唔會在乎曼聯嘅外國球員。」