艾納斯鬥伊斯迪洛 免費台直播
2023年12月05日 14:02
東網電視
更多新聞短片
亞冠盃E組最後一輪，伊斯迪洛主場對艾納斯。(Getty Images)
亞冠盃E組最後一輪，出線形勢大局已定，鎖定榜首嘅艾納斯，將作客無緣晉級嘅伊斯迪洛。艾納斯啱啱喺沙特聯賽榜首大戰輸波，今場例行公事唔會同你搏命，王牌球星C朗拿度並冇隨軍，隨時係悶戰一場，1.5球嘅半場細要捧。（HOY TV 76台周三凌晨零時直播）
沙特勁旅艾納斯今屆分組賽5戰4勝1和，實力明顯超班，不過佢哋喺聯賽要追趕榜首希拉爾，今場無關痛癢嘅比賽，據報C朗拿度並冇隨大軍出發，入球能力必受削弱。艾納斯本身踢法已經較為保守，尤其上半場穩陣行先，近5場亞冠盃半場4次開1球或以下，今仗半力出戰兼鬥心成疑下，上半場更加唔似有波入。
塔吉克斯坦球隊伊斯迪洛今屆分組賽未嘗一勝，5戰只有2和3負，不過佢哋防守力唔算太差，2場主場分別打和1比1同0比0，5場分組賽半場總入球全開1球或以下，1.5球嘅半場細值得再追。
更多賠率：