高圖爾斯放棄踢歐國盃　望下季100%痊愈復出

皇馬門將泰拔高圖爾斯今年8月操練期間，左膝前十字韌帶重創，可能缺陣今季所有賽事，呢位31歲鋼門亦打定輸數，已經向會方表明，唔會為比利時出戰明年6月中展開嘅歐國盃決賽周，專注康復及訓練工作，希望下季以100%健康狀態復出。

泰拔高圖爾斯接受手術之後，一直處於康復階段，雖然有傳佢可能季尾復出，甚至有機會踢歐國盃。不過，根據西班牙《馬卡報》爆料，高圖爾斯已經通知皇馬，今夏會專注做好康復及訓練工作，唔打算參加歐國盃。

至於泰拔高圖爾斯缺陣之下，預料比利時國家隊會由效力法甲球隊斯特拉斯堡嘅素斯擔任正選門將。