C朗下月訪華　去深圳有得睇

根據內地傳媒報道，擁有葡萄牙巨星C朗助陣嘅沙特阿拉伯豪門艾納斯將於下月訪華，分別於下月24日及28日喺深圳大運中心體育場踢2場表演賽，對手為四川九牛、上海申花，勢必掀起追星熱潮。

據悉中國駐沙特阿拉伯大使陳偉慶早前同艾納斯行政總裁菲恩加會面之後，菲恩加透露艾納斯將會前往中國比賽，因為中國擁有大量艾納斯球迷，而且隊長C朗亦非常受中國球迷歡迎，會方經常收到中國球迷嘅來信及來電，感受到中國球迷十分熱情，所以決定安排一次中國之旅，希望同中國球壇建立更多交流及合作。

艾納斯球星如雲，唔止有C朗，仲有前利物浦射手沙迪奧文尼、前曼聯左後衞阿歷士迪尼斯、前曼城中堅拿樸迪、前國際米蘭中場波索域，星味不亞於歐洲勁旅。