曼聯好消息　艾歷臣復操可望出戰聖誕快車

曼聯中場基斯甸艾歷臣自從11月英超對盧頓，整傷膝部之後一直缺陣，呢位31歲丹麥國腳近日已經傷愈復操，預料有望月底復出參加英超「聖誕快車」賽事。

基斯甸艾歷臣因為膝傷，錯過紅魔鬼近7場比賽，球隊期間僅錄得2勝2和3負，令領隊坦哈格備受下台危機。隨住艾歷臣傷愈，可以增加坦哈格佈陣靈活性，應該有助改善成績。曼聯今年仲有3場英超，包括12月23日晚作客韋斯咸、27日凌晨主場對阿士東維拉、31日凌晨作客諾定咸森林。

曼聯現時仍然有唔少傷兵，包括中場卡斯米路、美臣蒙特、後衞哈利馬古尼、利辛度馬天尼斯，杜維爾馬拉西亞，預料佢哋要等到下月先至有機會復出。