沙拿1月或缺席8場大戰　20歲新星自薦頂上

利物浦今季重返爭標行列，不過1月將迎嚟重大考驗，因為王牌前鋒穆罕默德沙拿將要出戰非國盃，或缺席多達8場大戰。不過利物浦人才鼎盛，20歲新星哈維艾利洛近期表現突出，佢就自薦喺沙拿缺陣期間頂上右翼位置，自信爆棚。

今季已入15球嘅穆罕默德沙拿，將代表埃及參加1月13日至2月11日嘅非國盃，如果埃及好似上屆咁殺入決賽，呢位前鋒將缺席7至8場賽事(視乎英足盃晉級)，當中包括英足盃作客阿仙奴同聯賽次循環作客酋長球場2場大戰。更慘嘅日係，日本中場遠藤航喺同樣時間都要踢亞洲盃，齊齊掛免戰牌。

穆罕默德沙拿今季休息嗰陣，哈維艾利洛係右翼代替熱門人選，佢就向領隊高普自薦：「我唔會話右翼係我最佳位置，但我細細個就踢呢個位，適應完全冇問題，非國盃期間我會做好準備。我知道我唔係唯一代替人選，所以會更努力訓練去爭取機會，睇下1月份會點樣發展。」