艾歷拜利有望重返西甲　回巢維拉利爾

今季免費加盟比錫達斯嘅艾歷拜利，因傷患影響表現，半季僅為球隊上陣8場，簽約1年嘅佢打算冬季轉會窗離隊，其前度球會維拉利爾有意接收。

「轉會專家」羅曼諾報道，維拉利爾考慮明年1月冬季轉會窗期間簽入艾歷拜利，現時雙方已有接觸，屬早期階段，並未達成一致。

29歲嘅艾歷拜利在愛斯賓奴青訓出身，2014至16年效力維拉利爾兩個球季，2016年獲摩連奴垂青轉投曼聯，不過受傷患影響上陣機會唔多，上季外借到馬賽，今夏結束7年紅魔生涯，約滿離隊加盟比錫達斯。