熱血再現!曼聯乘勢火燒森林

2023年12月30日 16:01
東網電視
更多新聞短片
英超諾定咸森林主場對曼聯。
曼市雙雄於英超快車分途出擊,壓軸有諾定咸森林主場火併曼聯。雖然森林易帥後有回勇迹象,但防守依然不穩,曼聯上場反勝阿士東維拉令士氣大振,況且近年對賽食住森林,有望喺佢哋2023年最後一戰贏波埋齋,今仗客勝有計。(Now 621及611周日凌晨1時30分直播)
森林早前怒炒谷巴,搵來曾執教狼隊及熱刺嘅紐奴接手,佢領軍2場取得1勝1負,尤其係上場憑倒戈嘅基斯活特大演帽子戲法,作客反勝紐卡素3比1,取得自11月頭贏維拉後首場勝仗。不過要留意,森林已經連續8場有失波,共失19球,就算係紐奴領軍2場都失咗4粒,累積多時嘅防守不穩問題,並非一朝一夕就可以解決。
曼聯近期猶如坐過山車,經歷歐聯出局、4場不勝0入球嘅恥辱,又受拉特克利夫入股嘅利好消息影響,上場對維拉落後2球劣勢下,憑阿歷真度加拿祖梅開二度,以及貴價箭頭海倫終於在今季聯賽取得開齋波,反勝3比2,熱血到暈。
儘管曼聯遇強即屈,但對住實力較曳嘅中下游球隊仍有一手,除咗之前倒灶不敵般尼茅夫同水晶宮外,佢哋今季面對聯賽下半版嘅狼隊、富咸、賓福特、般尼、錫菲聯、盧頓、愛華頓等都順利贏波。
再睇埋「紅魔鬼」近5次對住森林,全部贏晒,包括今季首循環反勝3比2,擺明格食格,必定食住個勢乘勝追擊,客勝值捧。
更多賠率: