迪亞高哥斯達自由身　邊隊會要？

去年夏天加盟巴甲保地花高嘅迪亞高哥斯達，合約即將到期，回復自由身，據報道呢位35歲前鋒現正搵班落，搵緊中鋒嘅球隊會唔會考慮佢？

《阿斯報》報道，擁有巴西同西班牙雙重國籍嘅迪亞高哥斯達，去年夏天離開狼隊後，加盟保地花高，加盟第2場就梅開二度，全力向巴西錦標進發，可惜球隊愈踢愈沉，迪亞高哥斯達亦經歷入球荒，之後11場僅入1球，球季結束後，保地花高冇同佢傾續約，即將回復自由身。

報道指，暫時未知迪亞高哥斯達未來動向，相信唔會咁快掛靴，佢足球生涯大部分時間都喺歐洲搵食，踢過車路士同馬體會，可能趁今個冬窗返歐洲落班。