英超阿仙奴大戰水晶宮 免費台直播
2024年01月20日 16:01
東網電視
更多新聞短片
英超阿仙奴主場迎戰水晶宮。(Getty Images)
周六(20日)晚英超早場賽事，由阿仙奴主場迎戰水晶宮。「兵工廠」近1個月狀態低迷，對上7場賽事只得1勝，雖然休戰期間拉隊去杜拜集訓，但久疏戰陣下未必可以即時撻着，面對防守硬淨嘅水晶宮勢陷苦戰，2.5球細盤值博。(Now 621及611、ViuTV 96台周六晚8時30分直播)
阿仙奴近期表現大跌Watt，最受批評嘅係球員把握能力差，最近3連敗合共有超過60次射門，但只係拎得1個入球，信心明顯出現問題。加上巴西前鋒加比爾捷西斯啱啱傷愈，今仗未知可唔可以上陣，入球能力更受削弱。阿仙奴近7場有6次總入球開2球或以下，要求大勝不切實際。
另邊廂，水晶宮近4場聯賽只輸過1仗，就算對住曼城、白禮頓都搶分成功，證明球隊相當硬淨，不過前鋒佐敦阿休正出戰非國盃，水晶宮嘅反擊能力唔會太強，領隊鶴臣面對強大嘅阿仙奴，多數會「泊大巴」死守，預計今仗入波唔會太多，2.5球入球細值得捧場。
更多賠率：