賽馬會菁英盃　主教練離隊 「何Sir」：唔認同佢說話方式

剛與主教練河赫俊解約的港超聯球隊晉峰，周三（24日）在「賽馬會菁英盃」以1比2不敵均業北區，總教練何信賢解釋球隊上半季演出未如理想，因而決定與河赫俊分道揚鑣，但認為球員態度專業，沒有被事件大大影響。

「何Sir」賽前已透露已跟河赫俊解除合約，他賽後解釋球隊目前成績不盡人意，加上對方未有作出調整，所有最終決定與他結束合作關係：「我哋呢半季踢得唔好，有時教練團有反映意見，但佢（河赫俊）繼續堅持自己嗰套，而且我有時唔太認同佢某啲說話方式，所以我哋決定同佢解約。」

晉峰早前簽下幾名南韓外援後，突然與同為南韓籍的河赫俊「分手」，但「何Sir」稱讚幾位新球員未有受到影響：「呢幾個南韓球員真係好專業，佢哋同我講話會全心全意幫晉峰踢波，其他球員今場亦都繼續搏到盡，令我好欣慰。」「何Sir」又指與河赫俊解約事出突然，未有替代方案，暫時由教練團負責執教。