國際邁亞密飛抵沙特 4大球星都有份
2024年01月26日 10:01
東網電視
更多新聞短片
美斯有上機。
國際邁亞密公布「亞洲之行」季前熱身賽大軍名單，4大球星美斯、蘇亞雷斯、布斯基斯、佐迪艾巴都榜上有名，買咗門票嘅香港球迷應該可以放下心頭大石。
國際邁亞密大軍已經飛抵沙特阿拉伯首都利雅得，美斯、蘇亞雷斯、布斯基斯、佐迪艾巴等球員步出機場，得到熱烈歡迎，包括獲贈送鮮花，各人都展露笑容。
國際邁亞密將於香港時間下周二(30日)凌晨同沙特豪門希拉爾交鋒，跟住2月2日凌晨出戰艾納斯，但係艾納斯巨星C朗有傷在身，屆時能否上陣同宿敵美斯交手，成為疑問。
最受本港球迷關注當然係2月4日下午喺大球場對港聯，國際邁亞密最後2場熱身賽對手分別係神戶勝利船同紐維爾舊生。
國際邁亞密大軍名單