柏利斯查同意外借西甲　等緊坦哈格批准

曼聯烏拉圭世盃國腳法根度柏利斯查，同意外借到西甲CF格蘭納達，等緊坦哈格批准就可成事。

「轉會專家」羅曼諾用招牌Here we go！報道該22歲翼鋒轉會情況，球員同新東家已達成協議，CF格蘭納達亦同意曼聯嘅借用要求，只差坦哈格批准，未知佢會否放人。

坦哈格季初曾打算將柏利斯查外借到川迪，希望球員可以幫到自己母會，又可以監察球員情況，可惜最後都傾唔成，川迪放棄斟介。

不過就算曼聯傷兵滿營，柏利斯查上半季仍然坐冷板，僅上陣14場，坦哈格根本冇畀過機會佢，其實佢20至22年有兩季曾外借到艾拉維斯，合共上陣35場，去西甲機會明顯比留喺曼聯多，今次如獲批准外借CF格蘭納達，定可大展身手。