勞基梳爾又受傷　曼聯兩閘位置告急

曼聯上仗英超以2比1擊敗阿士東維拉，但亦付出沉重代價，左後衞勞基梳爾受傷退下火線，未知需要抖幾耐，令兩閘位置人腳告急。

勞基梳爾踢完上半場就退下火線，由中堅域陀連迪路夫入替客串左閘，賽後領隊坦哈格話：「梳爾話感到不適，為安全起見，需要收起佢，因為佢過去受過太多傷，未來幾日會觀察佢嘅情況，我嘅戰術係左後衞由左腳球員出任，右後衞由右腳球員出任，現時需要作出妥協。」勞基梳爾今季已經第3次受傷，令人擔心佢舊患復發。

由於雲比沙卡、杜維爾馬拉西亞正在養傷，勞基梳爾現時亦成為「十字兵」，隊內只剩下達洛治1位正宗閘位球員可用，坦哈格可能需要提拔青年球員上一隊，以備不時之需。