車仔中堅抖1個月　無緣英聯盃決賽

車路士中堅班洛特巴迪亞舒尼喺早前英足盃對阿士東維拉一役傷出之後，最新證實腹股溝受傷，需要休息1個月，意味無緣2月25日晚英聯盃決賽對利物浦。

班洛特巴迪亞舒尼當時踢到87分鐘，受傷退下火線，並缺陣上仗英超對水晶宮，依家證實將養傷1個月，預料起碼會再缺陣多5場比賽，包括英超對曼城、實福特、紐卡素、英足盃對列斯聯、英聯盃決賽對利物浦。

呢位22歲法國國腳缺陣之下，意味39歲老將堤亞高施華需要孭重飛，同阿素迪沙斯扼守中路。