港超聯　拉美治首膺POM ：攞冠軍緊要啲！

港超聯球隊傑志周六（17日）於「中銀人壽香港超級聯賽」，1球小勝標準流浪，季中加盟的波斯尼亞後衞拉美治，首次出戰聯賽就獲選為「全場最佳球員」（POM），他表示聯賽冠軍為重中之重，全隊會為此目標戰鬥到最後一刻。

這位波斯尼亞中堅投效傑志後，之前只曾於「賽馬會菁英盃」分組賽上陣，是役首度出戰聯賽，全場表現搏命，多次落腳飛剷令球迷留下深刻印象。他慶幸即使是役串演左後衞都能「交到貨」，協助球隊全取3分：「啱啱出道嗰陣都踢過左閘，所以教練叫我踢番呢個位都唔會Say No，好彩都踢得唔算差，冇令球隊失分。」

「藍鳥」全取3分後，目前已追至與榜首的理文同分，但多打1場，他指全隊上下將奮戰到底，誓要反壓對手奪得聯賽冠軍：「傑志係間大球會，無論咩時候都要挑戰冠軍，嚟得呢度踢波，就預咗要承受呢啲壓力。」