全世界注意！海倫今晚挑戰3大紅魔神鋒紀錄

曼聯將於周一(19日)凌晨英超作客盧頓，前鋒海倫只要今場入波，就可以追平紅魔鬼史上3位神鋒C朗、雲尼斯達萊、簡東拿連續6場英超入波嘅紀錄。

海倫近7次上陣入6球，包括連續5場英超有波入，曼聯史上只有C朗、雲尼斯達萊、簡東拿曾經連續6場英超建功，換言之，海倫今場只要入1球，就可以同呢3位名宿睇齊。

值得一提，曼聯已經連續11次擊敗新升班球隊，包括上年11月英超主場小勝盧頓1比0，今場能否延續優良傳統，大家拭目以待。