賽馬會菁英盃 均業北區撼傑志爭出線
2024年02月20日 20:05
東網電視
更多新聞短片
賽馬會菁英盃：均業北區 vs 傑志
【東網按次收費直播】
「賽馬會菁英盃」周三（21日）晚上演B組出線關鍵一戰，由「2哥」均業北區在旺角大球場惡鬥「3哥」傑志，首循環交手北區曾贏3比1。兩隊賽前相差4分，北區只要不敗即可晉級，相反「藍鳥」必須贏波才可保持出線希望，激戰可期。（on.cc東網周三晚上8時按次收費直播）
均業北區早前聯賽淨吞大埔5蛋，近兩場狂失10球，中堅柏度更因上場領紅，是役要坐波監。面對勁旅傑志，主教練梁志榮承認對防守有點擔心，惟希望球員能夠忘記對上兩場大敗，盡快重新振作，充滿鬥志、決心迎接大戰：「對上兩場失嘅10球，好多都係自己犯錯所導致，呢幾日練習都提醒球員要集中啲，同埋禁區內解圍要清晰，減少失誤。」
經歷兩場大敗後，中場劉君正坦言感到失望，認為此刻最重要是改善心態：「我哋失波後調整唔到個心態，令到短時間內連續失幾球。」北區今場不敗即可出線，但「君正」卻指會以平常心出戰：「其實每場波我哋都當係決賽咁踢，首循環贏過傑志，證明我哋係有實力同強隊一戰，希望球隊唔好受近期表現影響，令之前嘅努力白費。」
傑志剛在聯賽1球力克標準流浪，暫代主教練金東進形容過程贏得驚險，但對零失球感到高興，今場轉戰「賽馬會菁英盃」，他希望勝軌可以延續：「呢場關乎到出唔出到線，所以非常重要。最近雖然比賽密，但係傑志有足夠球員去應付，體力唔成問題。」值得一提，是役艾里奧刑滿復出，惟費蘭度、陳晉一仍受傷患困擾，料繼續缺陣，而周緣德已經離隊。
中場袁振謙則提到，除希望報回首循環落敗之仇，更會以出線為目標，今場勢全力爭勝：「同『戴子』（戴子軒）、Yoshi（陳浩嘉）做咗好耐隊友，上次輸咗畀佢哋，當然想贏番一次。同埋『菁英盃』係我哋年青球員爭取比賽機會嘅場合，出線就可以踢多一至兩場。」
【兩隊預計正選陣容】
均業北區
門將：16.張桂華
後衞：2.張俊軒 5.卡爾特納 6.葉卓文 4.韋法頓
中場：11.肯迪 22.劉君正 14.何振廷
前鋒：99.陳浩嘉 7.馬圖斯 27.林樂勤
傑志
門將：91.石皓心
後衞：2.羅梓駿 5.艾里奧 26.羅素 33.拉美治
中場：10.基爾頓 4.查理史葛 32.袁振謙
前鋒：8.伊高沙托尼 89.恩查 96.馬斐