拜仁宣布同杜曹解約　教到季尾走人

拜仁慕尼黑今季戰績曳爆，主帥杜曹備受批評，周三（21日）拜仁官方宣布，與原定2025年先約滿嘅杜曹達成解約協議，教到今季季尾便提早離任，都算係畀足面杜Sir。

拜仁近期聯賽不敵利華古遜同波琴，以及歐聯16強首回合輸畀拉素，呢波3連敗令兩條戰線爭冠岌岌可危，其中聯賽已經落後榜首利華古遜8分，有指中場主力甘美治更與杜曹助手盧奧發生衝突，令杜Sir失去眾將支持，軍心不穩，肯定冇得留低。但據報由於新體育總監艾保爾3月先上任，到時再慢慢研究下季新帥人選，因此杜Sir先可以留任到季尾。