奧雲預測：海倫入波會多過紐尼斯！

曼聯前鋒海倫同利物浦前鋒達雲紐尼斯，登陸英超後都曾經受到質疑，直到近期開始重拾射門鞋。英格蘭前鋒名將奧雲日前比較兩人，直指海倫射術更勝紐尼斯，今季入球數字將會超越該烏拉圭射手。

海倫同紐尼斯上場聯賽分別單刀入波，而且位置同情況相近，紐尼斯選擇笠射、海倫就扭過門將射入，奧雲表示：「海倫嘅方法先至係正確，佢可以射門、挑波或者扭波，呢個係最有效同成功率最高嘅方法，長遠係會入更多波。入波冇100%正確方法，除咗紐尼斯嘅做法肯定係錯，咁樣射波係唔會有好高入球數字。」

紐尼斯今季英超有9個入波，而海倫目前有7球進帳，奧雲就預計海倫今季最終入球數字可以超越紐尼斯。