卻奧斯重返德國隊？本尊親自回應

德國國家隊近年成績差，領隊拿高斯文透露有意邀請卻奧斯重返球隊幫手，呢位34歲皇馬中場周四（22日）於社交媒體正式宣布，下月再次為「日耳曼兵團」上陣。

卻奧斯喺上屆歐國盃結束之後，宣布退出國家隊，佢近日被傳媒問到有冇打算「出山」時，就話：「有呢種可能性，我正在考慮，但仲未有決定。」。而本尊周四於個人IG宣布落實3月重返「日耳曼兵團」，點解？佢話因為主帥拿高斯文搵佢，佢又有興趣，就係咁簡單。

德國《圖片報》指卻奧斯之所以有意重返國家隊，最大原因係今屆歐國盃決賽周將於德國舉行，佢對於能夠喺自己國家踢呢項大賽，深感興趣。德國將於3月24日凌晨出戰熱身賽對法國，3日之後對荷蘭，到時有卻奧斯助陣，希望可穩定軍心。