曼聯「3朝助教」轉戰美職　加盟明尼蘇達聯

美職新球季啱啱展開，西岸球隊明尼蘇達聯率先換帥，據報佢哋已同曼聯助教艾歷藍斯達成協議，呢位32歲「3朝助教」將會轉戰美職，成為美職史上最年輕主教練。

明尼蘇達聯自上年10月後一直帥位懸空，期間先後由2名看守教練帶隊，目前由新西蘭教練諾利斯領軍。據《The Athletic》報道，明尼蘇達聯成功邀請艾歷藍斯加盟，但由於辦理入境文件需時，預計艾歷藍斯要到3月3日先可以起行，缺席球隊開季頭2場賽事。

32歲嘅艾歷藍斯為曼聯服務多年，喺蘇斯克查、蘭歷克同坦哈格「3朝」都有份做助教，同時亦喺威爾斯國家隊擔任助教，今次佢「單飛」去美職執教，更會打破賓奧臣33歲執教華盛頓聯隊(2010年)紀錄，成為美職史上最年輕主帥。