曼聯大鑊　海倫受傷抖3周

曼聯官方證實，近期狀態神勇嘅曼聯丹麥前鋒海倫，喺聯賽對富咸前夕不幸肌肉受傷，要休息3星期，將會錯過聯賽對富咸，之後英足盃對諾定咸森林，同埋下月初曼市打吡對曼城等大戰。

海倫近期狀態極佳，連續6場聯賽入波，共入7球，不但洗脫「水貨」污名，更創下英超史上最年輕連續有「士哥」球員紀錄，成為球隊入球保證，依家冇咗佢，球隊即時冇咗進攻重心，被迫變陣，而海倫嘅連續入球紀錄亦告斷纜。

傳媒分析，曼聯中前場可用人腳有限，海倫缺陣下，拉舒福特將會移前踢單箭頭，阿歷真度加拿祖調去左翼，安東尼馬菲奧斯復出任右翼，但進攻效果肯定冇海倫在陣咁理想。

坦哈格表示：「只係輕傷，休息2至3周左右，近期賽程頻密，球員要承擔一定風險，不過好彩唔係大傷。」