紐卡素有前冇後 阿仙奴開攻大盤值博
2024年02月24日 18:01
東網電視
更多新聞短片
阿仙奴主場對紐卡素
周中喺歐聯16強首回合輸波嘅阿仙奴，返英超主場迎戰紐卡素，「兵工廠」一肚烏氣等住發洩，喺酋長球場出擊必定火力全開爭勝，遇着踢法有前冇後嘅「喜鵲」，好大機會上演入球Show，今場必捧3.5球嘅入球大。（Now 621及611周日凌晨4時直播）
阿仙奴喺英超勢如破竹，近5場聯賽全勝，合共攻入21球，布卡約沙卡、李安度杜沙特、夏維斯等攻擊球員腳風極順，今次喺主場肯定會繼續狂攻。「兵工廠」周中喺歐聯作客波圖輸0比1，球員歐洲賽經驗不足，畀對手拖慢節奏打窒，但喺英超高速踢法就好啱佢哋踢，火力有望再次撻着。
至於傷兵滿營嘅紐卡素，近期用以攻代守戰術效果唔錯，已經連續5場賽事不敗，呢種冒險踢法亦製造大量娛樂性十足嘅比賽，近7場聯賽總入球全開4球或以上，今仗捧3.5球嘅入球大非常穩陣。
更多賠率：