把關出色　利物浦為基利靴標價2億

利物浦近期因為1號門將艾利臣比加受傷，重用2號門將基利靴把關，而該位愛爾蘭門將把握機會，近期踢出身價，包括協助紅軍贏得英聯盃冠軍，又在英足盃零封修咸頓，據報些路迪打算今夏提出收購，而利物浦標價將提高至2,000萬鎊(約2億港元)。

《Football Insider》報道，冬季轉會窗期間，諾定咸森林曾向利物浦斟介基利靴，報價1,500萬鎊，但遭拒絕，亦幸好紅軍留用基利靴，否則近期艾利臣比加受傷，球隊就會出現門將荒。

些路迪門將赫特近日宣布，今季後結束比賽生涯，球隊現正物色繼任人選，睇中基利靴，25歲嘅基利靴同利物浦仲有2年約，而且只能擔任艾利臣比加副手，效力紅軍6季以來僅上陣38場，多數在盃賽上陣，幫利物浦贏過2次英聯盃同1次英足盃，依家將佢轉會費提高到2,000萬鎊亦算合理。