沙卡只要完成一件事　可媲美卡尼柏金

阿仙奴翼鋒布卡約沙卡今季大爆發，各項賽事累積16球13助攻，其中聯賽錄得13球8助攻，近5場聯賽都有進帳，今場作客錫菲聯，只要佢順利起孖，將可追平兩位傳奇射手柏金同哈利卡尼紀錄。

柏金同哈利卡尼，都試過連續3場聯賽作客梅開二度，至於布卡約沙卡，近5場聯賽攻入7球，當中作客韋斯咸同般尼都起孖，因此今場作客錫菲聯只要攻入兩球，將可追上柏金同哈利卡尼嘅紀錄。

其實喺上個月，布卡約沙卡已經達成另一成就，就係成為阿仙奴13年來單月分最多入球球員，對上一位係2011年10月嘅尹佩斯，當年係尹佩斯效力阿仙奴最後一季，佢喺該月4場賽事射入7球，而布卡約沙卡喺2月4場聯賽射入6球，係尹佩斯之後最高紀錄。