佐真奴回流意甲？阿仙奴展開續約談判

意大利國腳佐真奴上年加盟阿仙奴後，雖然未能搶到正選位置，但每次上陣都有精彩表現，由於佢季尾將回復自由，唔少意甲球會都佐真奴主意，呢位32歲老將嘅經理人，日前亦公開盤點下一間球會嘅可能性。據報阿仙奴亦決定出手留人，同佐真奴展開續約談判。

佐真奴經理人祖奧山度士，日前接受意大利傳媒訪問，暗示回流意甲嘅可能性：「拉素係最適合，因為教練沙利好熟悉佐真奴；祖雲達斯個總監同佐真奴亦係拿玻里共事多年，當然我唔排除重返拿玻里嘅可能性；如果講到歷史同實力，所有人都想為米蘭雙雄效力。」

唔知係咪佐真奴「放風」有效，英國傳媒指阿仙奴已決定留用呢位中場，將會開出1+1嘅2年合約，雙方會喺短期內展開談判，祖奧山度士又表示：「我哋會考慮所有可能性，但佐真奴優先選擇係阿仙奴，佢同隊友、領隊相處得好開心。」